ओखलढुंगा । जिल्लाको मोलुङ गाउँपालिकाका अध्यक्ष मणिराज राईले मोलुङ गाउँपालिकाले स्वास्थ्यकर्मी व्यापक रुपमा परिचालन गरेको बताएका छन् । उनले ओखलढुंगाखबरसँगको कुराकानीमा बताएका हुन् ।
कोरोना भाइरसको रोकथाम र नियन्त्रणको तयारीका लागि गाउँपालिकाले स्वास्थ्य शाखाका प्रमुखको संयोजकत्वमा पालिकास्तरीय जनचेतना अभिवृद्धि समिति गठन गरिएको राईले बताए । यस्तै जनचेतनाकै लागि वडास्तरीय समिति समेत गठन गरिएको छ । जसका लागि स्वास्थ्य संस्थाका ईञ्चार्ज, स्वास्थ्यकर्मी, जनप्रतिनिधि, स्वयंसेविका र विद्यालयका प्रधानाध्यापकहरुलाई समावेश गरेर परिचालन गरिएको छ ।
पर्चा, पम्प्लेट, माइकिङलगायतबाट प्रचारप्रसारका काम गाउँपालिकाले गरिरहेको छ । अध्यक्ष राईका अनुसार गाउँपालिकाले पर्याप्त मात्रामा मेडिकल सामग्री जोहो गरिसकेको छ । गाउँपालिकाले १ महिना पुग्ने खाद्य सामग्रीको पनि जोहो गरेको उनको भनाई छ ।
हेरौँ मोलुङ गाउँपालिकाका अध्यक्ष मणिराज राईको भनाई जस्ताको तस्तै
.jpg)
