पहिचान पक्षधरको आक्रमणमा कोशी प्रदेशका मुख्यमन्त्री कार्की

राजनीति

गृहपृष्ठ
राजनीति
पहिचान पक्षधरको आक्रमणमा कोशी प्रदेशका मुख्यमन्त्री कार्की

पहिचान पक्षधरको आक्रमणमा कोशी प्रदेशका मुख्यमन्त्री कार्की मुख्यमन्त्री सवार गाडी तोडफोड प्रयास

सोमबार, चैत ६, २०७९ ओखलढुंगाखबर सम्बाददाता

ओखलढुंगा । कोशी प्रदेशका मुख्यमन्त्री हिक्मतकुमार कार्कीलाई लक्षित गरेर पहिचान पक्षधरले आक्रमण गरेका छन् । ओखलढुंगा सदरमुकामबाट तलुवा जाँदै गर्दा मुख्यमन्त्री कार्की सवार गाडीमाथि उनीहरुले आक्रमण गरेका हुन् ।

कोशी प्रदेशको नाम सच्याउन माग गर्दै प्रदर्शनमा रहेका पहिचान पक्षधरले मुख्यमन्त्री सवार गाडीको झण्डा भाँचेर फालिदिएका छन् । उनीहरुले गाडी तोडफोड प्रयास समेत गरेका थिए ।

मुख्यमन्त्री कार्की सवार गाडी अन्य क्षति हुनबाट भने जोगिएको छ ।

मुख्यमन्त्री कार्की शनिवारदेखि ओखलढुंगामा हुनुहुन्थ्यो । कोशी प्रदेशका उर्जा, खानेपानी तथा सिंचाइमन्त्री तिलकुमार मेयाङ्बोसहित ओखलढुंगामा आउनुभएका मुख्यमन्त्री कार्कीले ओखलढुंगामा प्रदेश सरकारबाट निर्माण हुने र निर्माण सम्पन्न भएका ८ वटा विकासका संरचना शिलान्यास, हस्तान्तरण तथा उद्घाटन गर्नुभएको छ ।

उहाँले रुम्जाटार लामा क्वाटर गुम्बा उद्घाटन गर्दै सबैको सहमतिमा पहिचानबाटै प्रदेशको नाम कोशी राखिएको र उक्त नाम संशोधन नहुने बताउनुभएको थियो । उहाँले संशोधन गर्नैपर्ने भए अर्को निर्वाचनमा बहुमत ल्याएर संशोधन गर्न आन्दोलनरत पक्षलाई चुनौती दिनुभएको थियो ।

प्रकाशित मिति: सोमबार, चैत ६, २०७९ १७:०१

प्रतिक्रिया दिनुहोस्