ओखलढुंगामा शान्तिपूर्ण ढंगबाट निर्वाचन सम्पन्न गर्ने राजनीतिक दलहरुको प्रतिबद्धता

समाचार

गृहपृष्ठ
समाचार
ओखलढुंगामा शान्तिपूर्ण ढंगबाट निर्वाचन सम्पन्न गर्ने राजनीतिक दलहरुको प्रतिबद्धता

ओखलढुंगामा शान्तिपूर्ण ढंगबाट निर्वाचन सम्पन्न गर्ने राजनीतिक दलहरुको प्रतिबद्धता

शनिबार, मंसिर ३, २०७९ ओखलढुंगाखबर सम्बाददाता

ओखलढुंगा । मंसिर ४ को प्रतिनिधिसभा तथा प्रदेशसभा सदस्य निर्वाचन शान्तिपूर्ण ढंगले सम्पन्न गर्न ओखलढुंगाका राजनीतिक दल सहमत भएका छन् । आज जिल्ला प्रशासन कार्यालयमा भएको सर्वदलीय बैठकमा दलहरु सहमत देखिएका हुन् ।

निर्वाचन सुरक्षा र मतपेटिका ढुवानीका विषयमा केन्द्रित बैठकमा आचारसंहिताको पूर्ण पालना गर्दै निर्वाचन सम्पन्न गर्ने र कतै सानातिना समस्या आएमा समन्वयात्मक ढंगले समाधान गर्ने निर्णय भएको छ । मुख्य निर्वाचन अधिकृत टीकाराम आचार्य र प्रमुख जिल्ला अधिकारी दीलकुमार तामाङले जिल्लामा निर्वाचन प्रचार प्रसार अभियान दलहरुले शान्तिपूर्ण ढंगले सम्पन्न गरेको र मौन अवधि र मतदानको दिन समेत शान्तिपूर्ण ढंगले निर्वाचन सम्पन्न हुनेमा विश्वास व्यक्त गर्नुभयो । बैठकमा मतपेटिका ढुवानी योजना, मतपेटिका भण्डारणस्थल र गणनास्थलका बारेमा समेत छलफल भएको थियो । जिल्लामा निर्वाचनको सम्पूर्ण तयारी पूरा भएको समेत जानकारी दिइएको थियो ।

प्रकाशित मिति: शनिबार, मंसिर ३, २०७९ ०९:५६

प्रतिक्रिया दिनुहोस्