सुरु भयो पाठेघरको मुखको क्यान्सर सम्बन्धी नि:शुल्क स्वास्थ्य परीक्षण शिविर

पर्यटन

गृहपृष्ठ
पर्यटन
सुरु भयो पाठेघरको मुखको क्यान्सर सम्बन्धी नि:शुल्क स्वास्थ्य परीक्षण शिविर

सुरु भयो पाठेघरको मुखको क्यान्सर सम्बन्धी नि:शुल्क स्वास्थ्य परीक्षण शिविर

मंगलबार, भदौ २८, २०७९ ओखलढुंगाखबर सम्बाददाता

ओखलढुंगा । जिल्लाको सिद्धिचरण नगरपालिकाले आयोजना गरेको पाठेघरको मुखको क्यान्सर सम्बन्धी नि:शुल्क स्वास्थ्य परीक्षण शिविर आजबाट सुरु भएको छ । ओखलढुंगा सामुदायिक अस्पतालमा शिविर सुरु भएको शिविर भोलिसम्म चल्नेछ ।

शिविरको उद्घाटन सिद्धिचरण नगरपालिकाका मेयर तेजन खनाल (तेजेन्द्र) ले शिविरको व्यानर पढेर गर्नुभएको थियो । उद्घाटन कार्यक्रममा बोल्नुहुँदै खनालले महिलाहरुको स्वास्थ्य समस्या भयावह हुन नदिन र रोगहरुको उचित उपचारका लागि शिविर राखिएको बताउनुभयो ।

शिविर खनालकै पहलमा आयोजना भएको हो । जसमा नेपाल एपीएफ अस्पताल बलम्बु काठमाडौँले प्राविधिक सहयोग गरिरहेको छ ।

शिविरमा विहानैदेखि भीड लागेको छ । ३ सय जनाको प्याब स्मेयर टेस्ट लिने योजना बनाइएको शिविरमा महिलाहरुको संख्या उल्लेख्य भएपछि भीआइए टेस्ट गरेर सबैलाई सेवा दिन थालिएको छ । एपीएफ अस्पतालले एकमहिनाभित्र काठमाडौँ आएमा ओखलढुंगामा शिविरमा सहभागीलाई नि:शुल्क प्याब स्मेयर टेस्ट गरिदिने बताएको छ ।

सिविरमा प्राविधिक सहयोग गरिरहेको अस्पतालले परीक्षणपछि पहिचान भएका पीडित महिलाहरुलाई सित्तैँमा शल्यक्रिया गरिदिने समेत घोषणा गरेको छ ।

प्रकाशित मिति: मंगलबार, भदौ २८, २०७९ १७:१३

प्रतिक्रिया दिनुहोस्