मानेभञ्ज्याङ गाउँपालिकाको प्रांगणमा दैनिक भइरहेको भलिबल म्याच कहिले रोकिएला ?

समाचार

गृहपृष्ठ
समाचार
मानेभञ्ज्याङ गाउँपालिकाको प्रांगणमा दैनिक भइरहेको भलिबल म्याच कहिले रोकिएला ?

मानेभञ्ज्याङ गाउँपालिकाको प्रांगणमा दैनिक भइरहेको भलिबल म्याच कहिले रोकिएला ?

बुधबार, भदौ २४, २०७७ ओखलढुंगाखबर सम्बाददाता

ओखलढुंगा, भदौ २४ । कोरोना भाइरसको संक्रमणको हिसाबले सबैभन्दा बढी जोखिम जिल्लाको मानेभञ्ज्याङ गाउँपालिका र सिद्धिचरण नगरपालिका देखिएका छन् । तर संक्रमणको जोखिम रहेको अवस्थामै मानेभञ्ज्याङ गाउँपालिकाको प्रांगणमा दैनिक हरेक साँझ भलिबल म्याच भइरहेको छ ।

मानेभञ्ज्याङका एक स्थानीयले दिएको जानकारी अनुसार भलिबल म्याच दैनिकजसो भइरहेको छ । जसले गर्दा कोरोना भाइरसको संक्रमणको जोखिम बढैको छ । स्थानीयहरु भलिबल म्याच हेर्न भीडभाड गरेर झुम्मिने गरेका छन् ।

जिल्लामा एकैपटक ९ जना संक्रमित थपिएसँगै प्रशासनले भीडभाड नगर्न र स्थानीय तहका अत्यावश्यक सेवा बाहेकका सेवा रोक्न सबै गाउँपालिकालाई निर्देशन दिएको छ । सो गाउँपालिकाको वडा नं ५ ले पनि

आत्यावश्यकबाहेक सेवा प्रबाह रोकिएको जनाएको छ । साथै वडा कार्यालयले बजार क्षेत्र तथा गाउँको मुख्य चोकहरुमा अनावश्यक भीडभाव, भेला, बैठक वा कोरोना संक्रमण फैलन सक्ने खालको क्रियाकलाप नगर्न, नगराउन र अति आवश्यक काममा मात्र हिँडडुल गर्न परेमा स्वास्थ्य सुरक्षा सम्बन्धी मापदण्डको पूर्ण पालना गरी दिन अनुरोध गरेको छ ।

तर यो भलिबल म्याचले वडा कार्यालयको अनुरोधलाई खिल्ली उडाइरहेको छ ।

हेर्नुस् भिडियो